काठमाडौं । प्रहरीले नक्कली नेपाली नोटसहित दुईजनालाई पक्राउ गरेको छ । प्रहरी वृत्त बानेश्वरबाट खटिएको टोलीले उदयपुरका दिलिप राई र विजय बस्नेतलाई पक्राउ गरेको हो ।

उनीहरूको साथबाट ४७ हजार नक्कली नेपाली नोट फेला परेको प्रहरीले जनाएको छ । पक्राउ परेकामाथि प्रहरीले थप अनुसन्धान जारी राखेको छ ।

केही दिन अघिमात्रै काठमाडौं प्रहरी परिसरको टोलीले नेपाली नक्कली नोट ५२ लाख ७५ हजार रुपैयाँसहित ९ जनालाई पक्राउ गरेर सार्वजनिक गरेको थियो ।