काठमाडौं । कथाकार कल्पना पौडल जिज्ञासुको कथासंग्रह ‘कचहरी’ सार्वजनिक गरिएको छ । नेपालगन्जमा आयोजित कार्यक्रममा लुम्बिनी प्रदेश विश्वविद्यालय आयोगका सदस्य प्रा. डा. कृष्णप्रसाद घिमिरेले ‘कचहरी’ सार्वजनिक गरेका हुन् ।

कल्पना फाउन्डेसनद्वारा आयोजित कार्यक्रममा कथाकार सनत रेग्मीलाई साहित्यतर्फको ‘मनिकर्णा–टीकाराम स्मृति पुरस्कार’द्वारा सम्मान गरियो ।

समाजसेवातर्फ ‘देउकला–टीकानिधि स्मृति पुरस्कार’ मानव सेवा आश्रम, नेपालगन्जलाई प्रदान गरिएको थियो ।

कार्यक्रममा सम्मानित स्रष्टा रेग्मी, प्रा. डा. घिमिरे, किरण आचार्य, खगेन्द्र गिरी ‘कोपिला’, पंकज श्रेष्ठ, मणि अर्याल, डा. इन्द्रबहादुर भण्डारी, हरि तिमिल्सिनालगायत व्यक्तिले बोलेका थिए ।