काठमाडौं । जनता समाजवादी पार्टी (जसपा) नेपालका सांसद राजकिशोर यादवले संसद् तीन दलको बन्धक बनेको बताएका छन् । मंगलबार प्रतिनिधिसभा बैठकको आकस्मिक समयमा उनले शीर्ष तीन दलको स्वार्थको बन्धक संसद् बनेको बताए । 

“हामी जनताको जनप्रतिनिधि बनेर जनताको पीडा, आवाज बोल्न यहाँ आएका हौँ । तर, त्यो बोल्न पनि केही नेताहरूको राजनीतिक सिन्डिकेटबाट आदेश प्राप्त हुनुपर्छ । उहाँहरूको स्वार्थको बन्धक बन्नुपर्ने ?,” उनले भने, “यही हो लाोकतन्त्र ? यही हो जनतले लडेको बनाएको संसद् ? केही नेताहरू बसेर यो सम्पूर्ण संसद्को काम कारबाही प्रभावित गरिरहेको छ यसमा विमति छ । भविष्यमा यस्तो नहोस् ।”

उनले सत्ता र प्रतिपक्षीको दोहोरीको कारणले जनताको पीडा संसद्‍मा राख्न नपाएको गुनासो गरे । “सुक्खाका कारणले गर्दा समयमा वर्षा नहुँदा मधेस र मधेसका जनता डराएका छन् । पानीको हाहाकार छ, खानेपानीको । किसान सरकार के गर्दै छ ? हाम्रो भविष्य बालबच्चा कसरी पालौँ भनेर चिन्तित छन् । हामी यहाँ हिँड्न इन्ट्रेस्ट पूरा गर्न खोजिरहेका छौँ । जनताले माफ गर्दैनन् ।”

उनले अहिले जे गर्दा ठिक छ भन्ने लागे पनि त्यसको हिसाब जनताले लिने बताए । 

‍उनले सुन तस्करी प्रकरणमा सरकार अघि बढिरहँदा दलका नेताहरू लेनदेनमा अघि बढे त्यसले राम्रो सन्देश नजाने धारणा राखे ।