काठमाडौं । भारतीय अन्तरिक्ष अनुसन्धान संगठन (इसरो)ले शनिबार (अगस्ट ५)मा भारतको तेस्रो अन्तरिक्षयान चन्द्रयान–३ चन्द्रमाको कक्षमा पुगेको जनाएको छ । यो घोषणा भारतीय अन्तरिक्ष एजेन्सीले पहिले ट्विटर भनेर चिनिने एक्समा गरेको हो ।

• चन्द्रमामा अवतरण गराउन भारतले गर्‍यो चन्द्रयान–३ को सफल प्रक्षेपण

इसरोले अहिले चन्द्रयान–३ ले चन्द्रमाको गुरुत्वाकर्षण महसुस गर्न थालेको जनाएको छ । यसको अर्थ चन्द्रमामा यान अवतरण गराउने एक कदमनजिक भारत पुगेको हो ।