काठमाडौं । नेपाल राष्ट्र बैंकले हायर पर्चेज र गाडी खरिदमा २५ लाखसम्मको ऋणको जोखिमभार १०० प्रतिशतमा झारेको छ । 

शुक्रबार राष्ट्र बैंकले बैंक तथा वित्तिय संस्थाहरूलाई एकीकृत निर्देशन जारी गर्दै हायर पर्चेज र व्यक्तिगत गाडी खरिदको ऋणमा जोखिमभार कम गरेको हो ।

२५ लाख भन्दाबढीको ऋणमा भने जोखिमभार १५० प्रतिशत तोकिएको छ । यसअघि १५० प्रतिशत रहेको यस्तो ऋणको जोखिमभार अहिले राष्ट्र बैंकले दुई तरिकाले तोकेको हो ।

गएको आइतबार राष्ट्र बैंकले मौद्रिक नीतिमा “सेयर धितोकर्जा, रियल स्टेट कर्जा तथा हायर पर्चेज कर्जाका विद्यमान जोखिम भारसम्बन्धी व्यवस्था पुनरावलोकन गरिनेछ,” भनेर उल्लेख गरेको थियो ।

७५ प्रतिशतबाट जोखिमभार १५० प्रतिशत पु¥याइएपछि पछिल्लो एक वर्षमा अटो व्यवसायीहरूले व्यापार ठप्प भएको भन्दै जोखिभार घटाउन माग गर्दै आएका थिए ।

२५ लाखसम्म ऋणको जोखिमभार १०० प्रतिशतमा झरेसँगै यसले व्यापारमा केही सहजता ल्याउने व्यवसायीको अपेक्षा छ ।