बाजुरा । बाजुरामा खोलामा आएको बाढीले बगाउँदा ट्याक्टर चालक बेपत्ता भएका छन् ।

मार्तडी–कोल्टी सडकखण्डमा पर्ने बाउलीखोलाको बाढीले गए राति से२त ३२२५ नम्बरको ट्याक्टर बगाउँदा चालक डुबनारायण चौधरी बेपत्ता भएको प्रहरी नायब उपरीक्षक कविन्द्रसिंह बोहराले जानकारी दिए ।

कोल्टीबाट मार्तडी आउँदै गरेको ट्याक्टर खोलामा ढुंगामा अड्किए पनि चालक चौधरी फेला पर्न नसकेको प्रहरीले जनाएको छ । प्रहरीले उनको खोजी गरिरहेको छ । रासस