काठमाडौं । जिल्ला प्रशासन कार्यालय बैतडीले भोलि महाकाली नदीमा जलस्तर बढ्ने सम्भावना रहेकाले सतर्कता अपनाउन आग्रह गरेको छ । 

भारतस्थित धौलीगंगा जलविद्युत परियोजनाको सिल्ट सफाइका लागि भोलि बिहान ५ बजेदेखि बेलुकी ८ बजेसम्म बाँधको ढोका खोलिने भएकाले महाकालीको जलस्तर बढ्न सक्ने जनाइएको छ । 

आज एक सूचना निकालेर जिल्ला प्रशासन कार्यालय बैतडीले भोलि बेलुका ८ बजेसम्म र त्यसपछि पनि महाकाली नदीमा जलस्तर बढ्ने सम्भावना रहेकाले नदी किनार तटीय क्षेत्रका बासिन्दालाई पूर्वसतर्कता अपनाउन आग्रह गरेको हो ।