काठमाडौं । काठमाडौंको मौसममा आज दिनभर बदली हुनेछ । हिजोबाट निरन्तर भएको वर्षा बिहानबाट रोकिएको छ । पानी पर्न रोकिए पनि बदली हुनेछ । 
 
“बिहानबाट काठमाडौंका अधिकांश भू–भागमा वर्षा रोकिएको छ । दिउँसो बादल लाग्छ । बदली भए पनि त्यति धेरै वर्षाको सम्भावना छैन,” मौसमविद् बिनु महर्जन भन्छिन्, “साँझबाट भने काठमाडौं उपत्यकामा पुनः वर्षा हुनेछ ।” 

आज राति पनि काठमाडौंमा वर्षाको सम्भावना रहेको उनले जानकारी दिइन् । “काठमाडौं आज राति पनि वर्षाको सम्भावना रहेको छ,” उनले भनिन् । 

बिहानैदेखि वर्षा, दिउँसो भारी वर्षाको सम्भावना रहेकाले सतर्क हुन आग्रह

भोलि पनि काठमाडौंमा वर्षाको सम्भावना रहेको छ । “बुधबार र बिहीबार पनि काठमाडौंमा वर्षाको सम्भावना रहेको छ । यद्यपि, सोमबारको जस्तो ठूलो वर्षा भने हुने छैन,” मौसमविद् महर्जन भन्छिन्, “हल्कादेखि मध्यम वर्षाको सम्भावना रहेको देखिन्छ ।”