काठमाडौं । आज धितोपत्र दोस्रो बजार मापक नेप्से परिसूचक ५३.७० अंकले घटेको छ । गत साताको तीन कारोबार दिन लगातार बढेको नेप्से अन्तिम कारोबार दिन ३५.३७ अंकले घटेको थियो ।

पछिल्लो दुई दिनको कारोबारलाई हेर्दा ८९.०७ अंकले घटेर नेप्से २०९७.२९ को बिन्दुमा पुगेको छ । अघिल्लो साता २२०० विन्दु पार गरेको नेप्से कारोबारीले नाफा बुक लाग्दा घटेको देखिन्छ ।

आज २८६ धितोपत्रको एक करोड १२ लाख २३ हजार १८३ कित्ता सेयर पाँच अर्ब आठ करोड १९ दाख ७६ हजार १७९ रुपैयाँमा कारोबार भएको छ ।

आज १३ वटै समूहगत परिसूचक घटेका छन् । आज बीपीडब्लू लघुवित्त वित्तीय संस्थाको सेयर मूल्य सर्वाधिक १० प्रतिशतले वृद्धि भएको छ भने सिर्जनशील लघुवित्त वित्तीय संस्थाको सेयर मूल्य सर्वाधिक ९.३२ प्रतिशतले घटेको छ ।