काठमाडौं । नेपाल साहित्यिक पत्रकार संघको १७औँ स्थापना दिवसका अवसरमा संघले पाँच साहित्यिक पत्रकारलाई सम्मानित गरेको छ ।
‘साहित्यिक पत्रकारिता सम्मान’बाट सम्मानित हुनेहरूमा नगेन्द्रराज शर्मा, हिरण्यकुमारी पाठक, रामभरोस कापडी भ्रमर, डी.आर. पोखरेल र खिमानन्द पोखरेल छन् ।
बुधबार काठमाडौंमा आयोजित कार्यक्रममा प्रज्ञा प्रतिष्ठानका कुलपति भूपाल राईले साहित्यिक पत्रकारहरू पाठक, भ्रमर, डीआर पोखरेललाई सम्मानित गरे ।
कार्यक्रममा अनुपस्थित साहित्यिक पत्रकार नगेन्द्रराज शर्माको सम्मानपत्र अर्का साहित्यिक पत्रकार रामप्रसाद पन्तले र खिमानन्द पोखरेलको उनका आफन्तले बुझे ।
कार्यक्रममा कुलपति राई, संघका अध्यक्ष मोहन दुवाल, अग्रज साहित्यिक पत्रकार रोचक घिमिरे, वियोगी बुढाथोकी, सम्मानित व्यक्तित्वहरू पाठक, भ्रमर र डीआर पोखरेलले आफ्नो मन्तव्य राखेका थिए ।