काठमाडौं । धितोपत्र दोस्रो बजार मापक नेप्से परिसूचक सोमबार पनि बढेर बन्द भएको छ । आइबार ६२.२१ अंकले बढेर २११७.७३ विन्दुमा बन्द भएको नेप्से आज ११.६९ अंक बढेर २१२९.४२ विन्दुमा बन्द भएको छ ।

आज पाँच अर्ब ३१ करोड रुपैयाँको सेयर कारोबार भएको छ । आइतबारको भन्दा आज कारोबार रकम घटेको छ । आइतबार ६ अर्ब ४९ करोड रुपैयाँको सेयर कारोबार भएको थियो ।

आज म्युचुअल फन्ड, ऋणपत्रलगायत २७९ धितोपत्रको एक करोड १९ लाख तीन हजार ६८७ कित्ता खरिद–बिक्री भएको छ ।

कारोबारमा आएका १३ समूहमध्ये पाँचवटा समूहको परिसूचक घटेको छ भने बाँकी समूहको परिसूचक वृद्धि भएको छ । आज लघुवित्त समूहको परिसूचक सर्वाधिक वृद्धि भएको छ । यस समूहको परिसूचक ३.९९ प्रतिशतले वृद्धि भएको छ ।

जीवन बिमा समूहको परिसूचक यसदिन सर्वाधिक ०.९७ प्रतिशतले घटेको छ ।

हिमालयन लाइफ इन्स्योरेन्सको सेयर मूल्य १० प्रतिशतले वृद्धि भएको छ । साटवटा समूहको परिसूचक ९ प्रतिशतभन्दा बढीले वृद्धि भएको छ ।

शिवम् सिमेन्टको सर्वाधिक मूल्यको सेयर कारोबार भएको छ । यस कम्पनीको ४२ करोड पाँच लाख रुपैयाँको सेयर खरिद–बिक्री भएको छ । आइतबार यस कम्पनीको ४९ करोड ९० लाख रुपैयाँको सेयर खरिद–बिक्री भएको थियो ।