काठमाडौं । नेकपा (माओवादी केन्द्र) का सांसद माधव सापकोटाले नेपाली कांग्रेस र नेकपा (एमाले) मिलेर सरकार गठन हुने सम्भावना नरहेको दाबी गरेका छन् । 

मंगलबार संसदबाहिर सञ्चारकर्मीहरूसँग कुरा गर्दै उनले एमाले र कांग्रेसबीच समीकरण भइहाल्ने र नयाँ ढंगले वर्तमान समीकरण बदल्न सहज नरहेको बताए ।

उनले समाजवादी मोर्चा बनाएकोमा कोही पनि तर्सिन आवश्यक नरहेको पनि बताए । समाजवादका आधारस्तम्भ निर्माणका लागि समाजवादी मोर्चा बनेको उनको दाबी छ । 

"कांग्रेस एमालेबीच समीकरण हुन्छ भन्ने मलाई लाग्दैन । अहिले नै एमाले र कांग्रेस बीचमा समीकरण भइहाल्ने र उहाँहरूले नयाँ ढंगले यो समीकरण बदल्न त्यति सजिलो वातावरण र आधार छैन," उनले भने । 

सांसद सापकोटाले समाजवादी आन्दोलनमा विकेन्द्रित हुन नदिने र सबै शक्तिहरट्ठलाई संगठित गर्ने उद्देश्यका साथ समाजवादी मोर्चा गठन भएको बताए ।