काठमाडौं । नेपाल मजदुर किसान पार्टी (नेमकिपा) सांसद प्रेम सुवालले कोरोनाविरुद्धको खोप खेर फाल्ने सरकारी अधिकारीलाई कारबाही गर्न माग गरेका छन् ।

संसद्मा जारी स्वास्थ्यको बजेट विनियोजन विद्येयकमाथिको छलफलमा सांसद सुवालले यस्तो माग अघि सारेका हुन् । 

विदेशमा रहेका नेपालीले आफ्नो रोटीको पैसा काटेर पठाएको “कोरोनाको खोप खेर फाल्ने अधिकारीलाई कारबाही हुनुपर्छ, यसतर्फ स्वास्थ्यमन्त्रीको ध्यान जाओस्” उनले भने । 

त्यस्तै आगामी दिनमा नेता र नेताका श्रीमतीको स्वास्थ्य उपचार विदेशमा हुन नहुने, अत्यावश्यक औषधि आयातमा औषधि व्यवस्था विभागले ढिला गर्न नहुने विषयमा पनि सांसद सुवालले सरकारको ध्याकर्षण गराएका छन् । 

प्रत्येक प्रदेशमा एउटा अन्तरराष्ट्रिय स्तरको अस्पताल सञ्चालन गर्न र नीजि अस्पतालई प्रोत्साहन गर्नुको साटो सरकारी अस्पतालको सुधार र व्यवस्थापनमा ध्यान दिन पनि सांसद सुवालको माग छ ।