काठमाडौं । देशका विभिन्न नदीहरूमा पानीको बहाव बढ्न थालेको छ । वर्षासँगै नदीमा बहाव बढेको हो ।

तमोर र यसका सहायक तथा कन्काई नदीमा आज बिहान जलसतह सतर्कता तह आसपास रहेको बाढी पूर्वानुमान महाशाखाले जनाएको छ ।

महाशाखाका अनुसार आज त्रिवेणीस्थित तमोर नदीमा बहाव उल्लेख्य बढ्ने पूर्वानुमान छ ।

यस्तै, ताप्लेजुङ, पाँचथर, संखुवासभा, तेह्रथुम, इलाम, दोलखा, लमजुङ, गोरखा भई बहने केही साना नदीहरूमा पनि बहाव बढ्ने पूर्वानुमान छ । ताप्लेजुङ र पाँचथरमा आज बाढीको उच्च जोखिम रहेको महाशाखाले जनाएको छ ।