काठमाडौं । प्रस्तावित प्रधानन्यायाधीश हरिकृष्ण कार्कीविरुद्धका उजुरीकर्तालाई  सामूहिक रूपमा संसदीय सुनुवाइ समितिको बैठकमा प्रवेश गराइएको छ । बुधबार सिंहदरबारमा बसेको बैठकमा उनीहरूलाई प्रवेश गराइएको हो ।

उजुरीकर्ताले एक्लाएक्लै प्रवेश नगर्ने अडान राखेपछि तीनजनालाई बोल्न दिने समझदारीसहित सामूहिक रूपमा बैठकमा प्रवेश गराइएको छ । त्यहाँ उपस्थित २० उजुरीकर्ता सबैलाई बैठकमा प्रवेश गराइएको हो ।

उनीहरूमध्ये जिल्ला न्यायाधीश श्रीकृष्ण भट्टराई, वरिष्ठ अधिवक्ता ध्रुवलाल श्रेष्ठ र अधिवक्ता अमृत खरेलले मात्र बोल्ने समझदारी भएको छ । त्यहाँ उपस्थित २० उजुरीकर्ता सबैलाई संसदीय समितिमा प्रवेश गराइएको छ ।