![कोसी प्रदेशको नीति तथा कार्यक्रम भोलि आउने](https://12khari.top/uploads/posts/Koshi-kosi-pradeshsava1686660935.jpg)
विराटनगर । कोसी प्रदेश सरकारले आर्थिक वर्ष २०८०/०८१ को नीति तथा कार्यक्रम भोलि (जेठ ३१ गते) ल्याउने भएको छ ।
मंगलबार बसेको मन्त्रिपरिषद्को बैठकले बुधबार दिउँसो १ बजे सदनमा नीति तथा कार्यक्रम प्रस्तुत गर्न प्रदेश प्रमुख पर्शुराम खापुङलाई अनुरोध गरेको छ ।
यसबारे जानकारी गराउँदै तयारी गर्न प्रदेशसभा सचिवालयलाई समेत अनुरोध गरिएको सरकारका प्रवक्ता तथा उद्योग, कृषि तथा सहकारीमन्त्री भक्तिप्रसाद सिटौलाले जानकारी दिए ।
नीति तथा कार्यक्रम प्रस्तुत भइसकेपछि सरकारले बजेट अधिवेशन अन्त्य गरी अध्यादेशमार्फत बजेट ल्याउने तयारी गरेको छ । विपक्षी चार दलले अध्यादेशबाट बजेट नल्याउन आग्रह गरेका छन् ।
![Global Ime bank](https://baahrakhari.com/uploads/bigyaapan/30885600.gif)
नेकपा (माओवादी केन्द्र) र जसपाले आफ्नो समर्थन फिर्ता लिएसँगै कोसीमा एमालेका हिक्मत कार्की नेतृत्वको प्रदेश सरकार अल्पमतमा परेको छ ।