![मेक्सिकोमा पत्रकारको गोली हानी हत्या](https://12khari.top/uploads/posts/Marco Aurelio Ramírez1684910760.jpg)
पुएब्ला, मेक्सिको । मेक्सिकोको मध्य पुएब्ला क्षेत्रमा मङ्गलबार एकजना पत्रकारको गोली हानी हत्या गरिएको छ ।
मेक्सिकोको तेहुआकान सहरमा ६९ वर्षीय मार्को ओरेलियो रामिरेजको आफ्नो घरबाट निस्कँदै गर्दा हत्या भएको थियो । उनले दशकौँसम्म विभिन्न सञ्चारमाध्यममा काम गरेका थिए ।
अभियोजकको कार्यालयले घटनाको अनुसन्धान सुरु गरिएको जनाएको छ ।
रिपोर्टर्स विदाउट बोर्डर्स (आरएसएफ)को मेक्सिकन शाखाले सरकारी कर्मचारीको रूपमा काम गर्ने रामिरेजले संदिग्ध अपराधीहरूलाई पक्राउ गर्न योगदान पुर्याएको बताए । भने, “आरएसएफले छिटो र पारदर्शी अनुसन्धानको माग गर्दछ ।”
![Global Ime bank](https://baahrakhari.com/uploads/bigyaapan/30885600.gif)
गैरसरकारी सञ्चार अधिकार समूहले ‘हत्या नगरपालिका अधिकारीको रूपमा उनको कामसँग सम्बन्धित थियो वा उनको पत्रकारिताको अभ्याससँग सम्बन्धित थियो भन्ने छानबिन गर्न’ तथा अभियुक्तलाई कानुनी कारबाहीको दायरामा तत्काल ल्याउन आग्रह गरेको छ ।
सन् २००० यता मेक्सिकोमा १५० भन्दा बढी पत्रकारको हत्या भइसकेको छ । अधिकांश हत्याका घटनामा सजाय दिइएको छैन । रासस÷एएफपी