काठमाडौं । इन्डियन प्रिमियर लिग (आईपीएल) मा सनराइजर्स हैदराबादले राजस्थान रोयल्सविरुद्ध चार विकेटको रोमाञ्चक जित निकालेको छ । आइतबार सवाइ मानसिंह रंगशालामा सम्पन्न खेलमा राजस्थानले प्रस्तुत गरेको २१५ रनको लक्ष्य हैदराबादले निर्धारित २० ओभरमा ६ विकेट गुमाएर भेट्टायो । 

हैदराबादको जितमा अभिषेक शर्माले ५५ रन बनाए । राहुल त्रिपाठीले ४७,अनमोलप्रीत सिंहले ३३, हेनरिक क्लासेनले २६, ग्लेन फिलिप्सले २५ र अब्दुल समदले अविजित १७ रन जोडे ।

राजस्थानका युजवेन्द्र चहलले चार विकेट लिए । कुलदीप यादव र रविचन्द्रन आश्विनले एक-एक विकेट लिए । त्यसअघि टस जितेर ब्याटिङमा आएको राजस्थानले निर्धारित २० ओभरमा दुई विकेट गुमाएर २१४ रनको योगफल खडा गरेको थियो । 

राजस्थानका जस बटलरले ९५ रन बनाएका थिए । बटलरले ५९ बलमा १० चौका र चार छक्का प्रहार गरेका थिए । कप्तान सन्जु सामसनले अविजित ६६ रन जोड्दा यशस्वी जैसवालले ३५ रन थपे । 

हैदराबादका भुवनेश्वर कुमार र मार्को जन्सेनले समान एक विकेट लिए । 

जितसँगै १० खेलबाट आठ अंक जोडेको हैदराबाद तालिकाको नवौं स्थानमा छ । ११ खेलबाट १० अंक जोडेको राजस्थान चौथो स्थानमा छ ।