राजनीति
काठमाडौं । कर्णाली प्रदेश सभाको दोस्रो कार्यकालको पहिलो अधिवेशन अन्त्य भएको छ । सभामुख नन्दा गुरुङले आज राति १२ बजेदेखि अधिवेशन अन्त्य हुने जानकारी गराएका हुन् ।
प्रदेशको १५औँ बैठकमा सभामुख गुरुङले कर्णाली प्रदेश सरकारका मुख्यमन्त्री राजकुमार शर्माको सिफारिसमा प्रदेश प्रमुख तिलक परियारले संविधानको धारा १८३ को उपधारा २ बमोजिम आज राति १२ बजेदेखि चालु अधिवेशन अन्त्य हुने जानकारी गराए ।
गत पुस १८ गते बसेको प्रदेशको पहिलो बैठकसँगै चालु अधिवेशनअन्तर्गत आजसम्म २० घण्टा सात मिनेटको समयावधिमा १५ वटा बैठक बसेको सभामुख गुरुङले जानकारी दिए ।
प्रकाशित मिति: आइतबार, वैशाख १७, २०८० २३:३२
प्रतिक्रिया दिनुहोस्