site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement
Ghorahi CementGhorahi Cement

नेपाल टेलिकमको कार्यशैलीप्रति विरोध प्रकट गर्ने कार्यालय परिसरमा लगेर फोहोर फाल्ने वीरगन्ज महानगरपालिकाको कार्य निन्दनीय हो । यसरी कार्यालय परिसरमा फोहोर फालेर जनप्रतिनिधिको रिस मरे पनि ‘सफा र सुन्दर शहर बनाउने अभियान’ त पक्कै सफल हुँदैन । 

नेपाल टेलिकमलगायतका सार्वजनिक संस्थान र सरकारी निकायहरूले गर्ने लापरबाहीले सहर र गाउँँ जताततै जनजीवन कष्टकर बनाइरहेको देखिन्छ । त्यसको समाधान भने कुनै कार्यालय परिसरमा फोहोर फालेर पक्कै हुँदैन भन्ने त जनप्रतिनिधिले पनि बुझेकै होलान् ।  

टेलिकमले बिगारेको बाटो छिटो बनाउनलाई दबाब दिने अरू कैयौं उपाय छन् । निश्चित मितिभित्र बाटो नबनाए महानगरपालिकाले आफैँ बनाएर लागेको खर्च टेलिकमलाई भराउन सक्थ्यो ।

Agni Group

टेलिकमका स्थानीय अधिकारीले अटेर वा आलटाल गरे माथिल्लो निकाय वा स‌ञ्चार तथा सूचना प्रविधि मन्त्रालयलाई जानकारी गराउन सकिन्थ्यो । दुर्भाग्य, वीरगन्ज महानगरपालिकाले अस्वीकार्य उपाय अपनायो ।

धन्न महानगरपालिकाको उदण्ड व्यवहारको विरोधमा टेलिकमका कर्मचारीले सेवा बन्द गरेनन् १ नत्र, त्यसबाट निकै ठूलो क्षति हुनेथियो । यसका लागि टेलिकमका कर्मचारीको विवेक र स‌ंयमको सराहना गर्नुपर्छ ।

Global Ime bank

टेलिकमले पनि आफूले भत्काएको सडक यथाशीघ्र बनाउन आलटाल गर्नु उचित होइन । वीरगन्जका विवेकी कर्मचारीले यति बुझेकै होलान् र सकेको प्रयत्न पनि गर्लान् भन्ने अपेक्षा गरौँ । 

टेलिकमले सुल्झाउन नसक्ने कुनै अड्चन भए महानगरपालिकालगायतका निकायसँग सहयोग लिनुपर्छ । लापरबाहीले सीमा नाघेकैले वीरगन्ज महानगरपालिकाले पनि उद्दण्ड शैली अपनाएको हुनसक्छ । यसमा अरूले पनि गौर गरून् ।

विरोध प्रकट भइसकेकाले अब वीरगन्ज महानगरपालिकाले पनि तत्काल टेलिकम परिसरबाट फोहोर हटाओस् । साथै, यस्तो लाजमर्दो उद्दण्डता प्रदर्शन कहिल्यै गर्नुहुँदैन भन्ने विवेक महानगरपालिकाका पदाधिकारीमा पलाओस् ।    

भविष्यमा यस्ता लाजमर्दा घटना हुन नदिन संघ र प्रदेश सरकार पनि सावधान हुनुपर्ने देखियो । यथार्थमा जनप्रतिनिधिले विवेकर संयम देखाउनुपर्छ भन्ने यथार्थ सबै तहका सरकारका जिम्मेवार पदधिकारीले आत्मसात गरून् ।


 

NIBLNIBL
प्रकाशित मिति: मंगलबार, चैत २१, २०७९  १४:०३
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC