काठमाडौं । भारत सरकारले बीबीसी पन्जाबको ट्विटर अकाउन्ट ब्लक गर्न निर्देशन नदिएको दाबी गरेको छ । 

मंगलबार बीबीसी पन्जाबको अकान्ट केही घन्टा ब्लक भएको थियो ।

ब्लकबारे ट्विटरले बीबीसीलाई इमेलमार्फत भारत सरकारको मागमा बीबीसी पन्जाबको अकाउन्ट ब्लक गरिएको बताएको थियो ।

तर, भारत सरकारले बीबीसीलाई दिएको जवाफमा त्यस्तो कुनै निर्देशन नदिएको दाबी गरेको छ । 

बीबीसीको इमेलको जवाफ दिँदै भारत सरकारले 'रेकर्डको आधारमा, विद्युतीय तथा सूचना प्रविधि मन्त्रालयले बीबीसी पन्जाबको ट्विटर अकाउन्ट ब्लक गर्न कुनै निर्देशन नदिएको' बताएको हो ।