काठमाडौं । आज साँझ सौर्यमण्डलका पाँचवटा ग्रह एउटै लहरमा पंक्तिबद्ध भएर देखिने भएका छन् ।
खगोलविद्का अनुसार वृहस्पति, बुध, शुक्र, अरुण र मंगल ग्रह एउटै रेखामा देखिने भएका हुन् । सूर्यको परिक्रमा गर्ने क्रममा ग्रहहरू एकैतर्फ एउटै लाइनमा पर्दा पंक्तिबद्ध भएको देखा पर्ने बताइएको छ ।
खगोलविद्का अनुसार वृहस्पति र बुध क्षितिजको नजिक देखा पर्नेछन् भने शुक्र र अरुणमाथि र मंगल ग्रह चन्द्रमाको नजिक देखिनेछ ।
२८ मार्चका दिन स्पष्टसँग देखिए पनि अघिल्लो र पछिल्लो दिनमा पनि यो खगोलीय दृष्यावलोकन गर्न सकिने छ ।
यसअघि, अपोलो मिसनका अन्तरिक्षयात्री बज अल्ड्रिनले वक्र आकारमा देखा पर्ने यो ग्रहको लहर हेर्न नभुल्न भन्दै ट्विट गरेका थिए ।
गत वर्षको जुनमा सन् २००४ को डिसेम्बरपछि पहिलोपटक यस किसिमको दुर्लभ ग्रहको लहरमा बुध, शुक्र, मंगल, वृहस्पति र शनि एउटै रेखामा देखिएका थिए ।
1628253175.jpg)
