काठमाडौं । प्रतिनिधिसभाका पूर्वसांसद कर्मा घलेको निधन भएको छ । 

२०७४ सालमा नेपाली कांग्रेसको तर्फबाट समानुपातिक सांसद बनेका घलेको मंगलबार निधन भएको हो । 

मनाङ जिल्ला निवासी घले हाल कांग्रेसको महासमिति सदस्य थिए । उनको आज १२ बजेर १८ मिनेटमा निधन भएको हो ।

लामो समयदेखि क्यान्सर रोगबाट ग्रसित घलेको ५९ वर्षको उमेरमा महाराजगंजस्थित त्रिभुवन विश्वविद्यालय शिक्षण अस्पतालमा निधिन भएको हो । यसैक्रममा पार्टीको संसदीय दलले उनको निधनमा शोक वक्तव्य जारी गरेको छ ।