काठमाडौं । काठमाडौं महानगरपालिकाको नगर प्रहरी बलले बागबजार क्षेत्रबाट फुटपाथ व्यापार उठाएको छ । आज बिहान बागबजारस्थित आकाशेपुल आसपास बसेका व्यापारीको टेबल, मुडा, पिर्कालगायत सामान उठाइएको हो ।

महानगरका नगर प्रहरी प्रमुख एसपी राजुनाथ पाण्डेले फुटपाथ व्यवस्थापनको काम भइरहेको बताए । उनले फुटपाथमा व्यापार गर्नेमाथि पुनः कारबाही थालिएको बताए ।

दुई महिनायता महानगरबाट फुटपाथ व्यापारीहरूमाथि कडाइ गरिएको छ ।