काठमाडौं । प्रधानमन्त्री शेरबहादुर देउवाले मुलुकको समृद्धिमा संस्कृतिको ठुलो भूमिका रहेको बताएका छन् । शताब्दी पुरुष स्वर्गीय सत्यमोहन जोशीको १३ औँ पुण्य तिथिमा शुक्रबार ललितपुरको मंगलबजारमा आयोजित कार्यक्रममा प्रधानमन्त्री देउवाले संस्कृतिको संरक्षण र विकास गर्दै समृद्धिलाई अघि बढाउनुपर्ने बताए ।

उनले मुलुकको संस्कृति जगेर्नामा स्वर्गीय जोशीले गरेको योगदान राष्ट्रको सम्पत्ति भएकाले सरकारले यसको उचित संरक्षण गर्ने धारणा राखे । प्रधानमन्त्री देउवाले भाषा, संस्कृतिको रक्षाका लागि जोशीले खेलेको भूमिकाको चर्चा गर्दै उनी सच्चा देशभक्त भएको बताए ।

कार्यक्रममा पर्यटनमन्त्री जीवनराम श्रेष्ठले जोशीको अन्तिम इच्छा ‘चक्रसंवर’ को पौभाः चित्रलाई पूरा गर्नका लागि सरकारले आवश्यक सहयोग गर्ने बताए ।

कार्यक्रममा ललितपुरको पाटन दरबार स्क्वायर क्षेत्रमा राखिएको जोशीको शालिकमा माल्यार्पण गरिएको थियो भने पाटन दरबार स्क्वायरदेखि जोशीको निवाससम्म पदयात्रा गरिएको थियो ।