काठमाडौं । साबिकको बिजेता वायर्न म्युनिख जर्मन बुन्डेस लिगा फुटबलमा पराजित भएको छ । लिग अन्तर्गत शनिबार राति भएको खेलमा वायर्न म्युनिख होफेनहाइमसँग २ – ० ले  पराजित भएको हो ।

होफेनहाइमको घरेलु मैदानमा भएको खेलमा दुवै गोल मार्क उथले गरेका थिए । वायर्न म्युनिखलाई पराजित गर्ने क्रममा मार्कले खेलको २७ औं र ५१ औं मिनेटमा गोल गरेका थिए । घरेलु टोलिबिरुद्ध वायर्न म्युनिखले पनि केहि गोलको अवसर खेर फालेको थियो ।

यो हारपछि वायर्न म्युनिख ३ अंक जोडेर पाँचौ स्थानमा झरेको छ । होफेनहाइम भने ७ अंक जोडेर लिगको दोस्रो स्थानमा छ ।

जर्मन बुन्डेस लिगको शिर्ष स्थानमा बोरुसिया डर्टमण्ड रहेको छ । शनिबार राति फ्रेईबर्गसँग गोलरहित बराबरी खेलेको डर्टमण्डको पनि ७ अंक छ । तर, डर्टमण्ड गोल आधारमा शिर्ष स्थानमा छ ।