काठमाडाैं । नेपाल उद्योग परिसंघले आगामी पाँच वर्षपछि नेपालबाट ४.६ अर्ब अमेरिकी डलरको निर्यात हुने वातावरण बनाउने घोषणा गरेको छ ।
उद्योग परिसंघको १९औँ साधारण सभाको उद्घाटन समारोहमा परिसंघका अध्यक्ष विष्णुप्रसाद अग्रवालले यस्तो घोषणा गरेका हुन् । उनले परिसंघले ‘मेक इन नेपाल स्वदेशी’ अभियानमार्फत देशमा वार्षिक १ हजार नयाँ उद्योग दर्ता गर्ने वातावरण बनाउने बताए ।
अध्यक्ष अग्रवालले परिसंघले सन् २०३० सम्ममा कुल गार्हस्थ्य उत्पादनमा औद्योगिक क्षेत्रको योगदान २५ प्रतिशत पुर्याउने गरी काम गर्ने बताए । उनले ‘मेक इन नेपाल स्वदेशी’ अभियानमार्फत देशमा उत्पादनमूलक उद्योगको संख्या बढाइने लक्ष्य राखेको
जानकारी गराए ।
अध्यक्ष अग्रवालले लगानी विस्तार हुन नसक्दा मागमा निरन्तर गिरावट आउने र त्यसले अर्थतन्त्रमा थप जोखिम पर्नसक्ने चिन्ता
व्यक्त गरे । उनले कृषिजन्य भूमिमा समेत कृषि उपजको आयात भइरहेकाले सबैको प्रयास कृषि उत्पादन बढाउनेतर्फ केन्द्रित हुनुपर्ने बताए ।
अध्यक्ष अग्रवालले निजी क्षेत्रले उठाएका आर्थिक तथा कानुनी विषयमा सरकारबाट सकारात्मक सोच राख्दै आएपनि कानुनको अन्तिम रूप दिने समयमा निजी क्षेत्रमैत्री नहुने गरेको गुनसो गरे । उनले एउटा कानुनले काम गर्न सहजता प्रदान गर्ने र अर्को कानुनले काम गर्न रोक्ने प्रवृतिले निजी क्षेत्र सशंकित बन्दै गएको दाबी गरे ।
अध्यक्ष अग्रवालले उद्योगी व्यवसायीहरूले औद्योगिक व्यवसाय ऐनले दिएका सुविधासमेत सम्पूर्ण रूपले उपयोग गर्न नसकको भन्दै कानुनहरू व्यवहारिक नहुँदा व्यवसायीहरूमा निरासा छाएको बताए ।
अध्यक्ष अग्रवालले निजी क्षेत्रले विभिन्न समस्या भोगिरहेको अवस्थामा मौद्रिक नीति कसिलो आएको बताए । उनले कसिलो मौद्रिक नीतिले अर्थतन्त्र बलियो बनेपनि लगानीमा समस्या आउने संकेत गरे । मौद्रिक नीतिले उद्योग तथा निर्यात योग्य उत्पादनलाई सहजता गर्ने नीति अवलम्बन गर्नुपर्ने आवश्यकता रहेको उनकाे भनाइ छ ।
उनले सरकारले औद्योगिक क्षेत्रको प्रवर्द्धन गर्ने नीति लिइरहेको अवस्थामा सञ्चालनमा रहेका उद्योगलाई औद्याेगिक क्षेत्र व्यवस्थापनले भाडा बढाउने निर्णय गर्दा उद्योगीहरूलाई निरुत्साहित गर्ने काम भइरहेको बताए । उनले औद्योगिक क्षेत्र व्यवस्थापनले ७ सय प्रतिशत भाडा बढाउने निर्णय न्यायोचित नभएको भन्दै तत्काल निर्णय र्फिता लिन आग्रह गरे ।
-1716278128.jpg)
-1734691541.jpg)
-1734839313.jpg)
