काठमाडौं । डीएचआई इलेक्ट्रोनिक्स प्रा.ली.ले विभिन्न ब्राण्डका इलेक्ट्रोनिक्स तथा घरायसी उपकरणहरू नेपाली बजारमा ल्याएको छ ।

नेपाली उपभोक्ताहरूको माग तथा आवश्यकतालाई मध्यनजर गर्दै आइतबार काठमाडौंमा एक कार्यक्रम आयोजना गरी डीएचआई ब्रान्ड शुभराम्भ गरिएको हो ।

उक्त कार्यक्रममा डीएचआई ब्रान्डका विभिन्न उत्पादनहरू प्रदर्शन गरिएको कम्पनीले जानकारी दिएको छ । जसमा डीएचआईका घरेलु तथा होम इन्टरटेन्मेन्टका उपकरणहरू अन्तर्गत टेलिभिजन, वासिङ मेसिन, रेफ्रिजरेटर, इन्डक्सन चुलो, राइस कुकर, एयर कुलर, किचन चिम्नी, भ्याकुम क्लिनर र चेस्ट फ्रीजर  लगयत अन्य घरेलु उपकरणहरू राखिएको कम्पनीले बताएको छ ।

डीएचआई इलेक्ट्रोनिक्सले डीएचआई ब्रान्डका घरायसी उपकरणहरूले भान्सामा र घरमा ग्राहकहरूलाई सहजता र चुस्तता प्रदान गर्ने दाबी गरेको छ ।

डीएचआईका प्रमुख कार्यकारी अधिकृत केशवकान्त पौडेलले डीएचआई होम एप्लायन्सका नवीनतम प्रविधि र उत्कृष्ट गुणस्तरका उत्पादनहरू बजारमा उपलब्ध छन् जुन निकै सुविधाजनक, भरपर्दा र तुलनात्मक रूपमा प्रतिस्पर्धी मूल्यमा उपलब्ध रहेको जानकारी दिए । "हामीले डीएचआई ब्रान्डका उत्कृष्ट उत्पादनहरूमार्फत ग्राहकहरूको सन्तुष्टिलाई मध्यनजर गर्दै प्रत्येक घरलाई सुखी घर बनाउने लक्ष्य राखेका छौँ  र हाम्रा ग्राहकहरूको मन पनि जितिरहेको छ," उनले भने ।