काठमाडौं । अनलाइन बजार दराजले आफ्नो वार्षिक अभियान ‘दराज महाबचत बजार’ सुरु भएको घोषणा गरेको छ । उक्त योजना साउन ८ गतेबाट सुरु भएको कम्पनीको भनाइ छ । यो योजनमा आवद्ध हुँदा ६० प्रतिशतसम्म छुट पाइने बताइएको छ ।

दराजका ग्राहकहरूले डेबिट कार्डबाट अधिकतम एक हजार प्रिपेमेन्ट गरेमा १० प्रतिशतसम्म छुट पाउनेछन् भने क्रेडिट कार्डबाट एक हजार ५०० रुपैयाँको प्रिपेमेन्ट गरेमा १२ प्रतिशत सम्मको छुट प्राप्त गर्न सक्नेछन् ।

नेपाल इन्भेष्टमेन्ट बैंक लिमिटेड, सानिमा बैंक, माछापुच्छ्रे बैंक, एभरेष्ट बैंक, बैंक अफ काठमाण्डू, नेपाल बैंक, मुक्तिनाथ विकास बैंक, ज्योति विकास बैंक र एनसीसी बैंकका कार्डवाहकहरूले उक्त छुटको लाभ लिन सक्नेछन् । यसबाहेक, आफ्नो ई–सेवा वालेटमार्फत भुक्तानी गर्ने ग्राहकहरूले सीमित अवधिका लागि अधिकतम एक हजारसम्मको सामान खरिद गरे १० प्रतिशत छुट प्राप्त गर्न सक्नेछन् ।

साथै अनलाइन प्रिपेमेन्टमा एक हजार ५०० रुपैयाँसम्म को छुट, ७००० सम्म को भाउचर, निःशुल्क शिपिङ, र बम्पर उपहारमा टर्की उड्ने निःशुल्क टिकट जित्ने मौका पनि रहेको छ ।

दराज महाबचत बजारमा लोकप्रिय खेल एक रुपैयाँ गेम पनि रहेको छ । जस मार्फत ग्राहकले कुनै पनि पुरस्कार १ रुपैयाँमा जित्ने मौका पाउनेछन् । पुरस्कारहरूमा निउ क्लासिक हेल्मेट, हाईग्राउन्ड एडभेन्चर र प्रोआर्ट आर्टको सामग्री राखिएको छ । ग्राहकले एक पुरस्कारका लागि मात्र खेल्न सक्नेछन् । सहभागी हुनका लागि ग्राहकले अनलाइन प्रिपेमेन्टमार्फत १ रुपैयाँ प्रिपे गर्नुपर्ने बताइएको छ । प्रस्ताव समाप्त भएपछि सबै सहभागीहरूलाई रकम फिर्ता गरिन पनि बताइएको छ ।

राष्ट्रिय र अन्तर्राष्ट्रिय ब्रान्डहरूमा विशेष छुट

दराज महाबचत बजार अभियानमा प्रमुख राष्ट्रिय तथा अन्तर्राष्ट्रिय ब्रान्डहरूमा विशेष डिल र छुटहरू रहने बताइएको छ । ग्राहकले आफ्नो मनपर्ने ब्रान्डहरूबाट ६० प्रतिशतसम्म छुट पाउनेछन् । अभियानका लागि डायमन्ड पार्टनर् ः एप्पल, फिलिप्स, अमायरा फेसन हाउस र निउ रहेका छन् ।

प्लेटिनम पार्टनर्समा एर्के, सिजी डिजिटल, कोका, मसला बिड्स, लोत्टो र किउ एन्ड यू फर्निचर रहेका छन् । अन्तमा, गोल्ड पार्टनरहरूमा काडेन्स नेपाल, जुआस, कन्भर्स, आङ्कर, रोहतो मेन्थोलाटम, बियर्डो, जिन्सवेस्ट र लियोन ब्युटी रहेका छन् ।