काठमाडौं । भक्तपुरको भक्तपुर नगरपालिका–१, सल्लाघारीमा गुडिरहेको बस र स्कुटरमा रुख ढलेर थिच्दा मृत्यु भएका तीनमध्ये एकजनाको पहिचान खुलेको छ ।

दुर्घटनामा ज्यान गुमाएका मध्ये एक भक्तपुर नगरपालिका–२ बस्ने २५ वर्षीय विशेष खर्बुजा हुन् । अरू दुई पुरुषको सनाखत हुन बाँकी रहेको प्रहरीले जनाएको छ ।

आइतबार काठमाडौंबाट भक्तपुरतर्फ गइरहेको बा२ख ३५८४ नम्बरको यात्रीवाहक बस र बा६१च नम्बरको स्कुटीमाथि सल्लाको रुख ढलेको थियो ।

दुर्घटनामा घाइते भएका १२ जनाको विभिन्न अस्पतालमा उपचार भइरहेको छ ।