काठमाडौं । कपिलवस्तुको बुद्धभूमि नगरपालिका–९, चम्पापुरमा बसको ठक्करबाट मोटरसाइकल चालकको मृत्यु भएको छ । मोटरसाइकलमा पछाडि सवार एक किशोरी घाइते भएकी छन् ।

दाङको तुलसीपुर उपमहानगरपालिका–९ बस्दै आएका ३० वर्षीय सुशील केसीको मृत्यु भएको हो । ठक्करबाट गम्भीर घाइते भएका उनको उपचारका क्रममा जिल्ला अस्पताल तौलिहवामा मृत्यु भएको जनाइएको छ ।

घाइते भएकी १७ वर्षीया कुस्मा केसीको सोही अस्पतालमा उपचार भइरहेको छ ।

आज बिहान करिब साढे ८ बजे ना५ख ९३५० नम्बरको बसले रा७प ३५९४ नम्बरको मोटरसाइकललाई ठक्कर दिएको थियो । दुवै सवारीसाधनसहित बस चालकलाई इलाका प्रहरी कार्यालय गोरुसिंगेले  नियन्त्रणमा लिएको छ ।