काठमाडौं । पर्सामा स्रोत नखुलेको रकमसहित दुईजना पक्राउ परेका छन् । वीरगन्ज महानगरपालिका–१५, बसपार्कबाट स्रोत नखुलेको नगद चार लाख ५६ हजार ९०० रुपैयाँसहित उनीहरू पक्राउ परेका हुन् ।

पक्राउ पर्नेहरूमा भारतको बिहार मोतिहारी ग्राम अठमुहान बस्ने २७ वर्षीय तबरेज आलम र २९ वर्षीय जमालुदिन अंसारी रहेका छन् ।

वडा प्रहरी कार्यालय श्रीपुरबाट खटिएको प्रहरी टोलीले मोटरसाइकल जाँच गर्ने क्रममा मोटरसाइकलमा सवार उनीहरूलाई उक्त नगदसहित फेला पारी पक्राउ गरेको जनाइएको छ ।