काठमाडौं । भारतीय दुतावासमा कार्यरत भारतीय सुरक्षागार्डले आफैँलाई गोली हानी आत्महत्या गरेका छन् । लैनचौरस्थित दुतावासमा कार्यालय समयमै सुरक्षागार्ड ३२ वर्षीय दीपक सिंहले आत्महत्या गरेका हुन् । उनी इन्डियन आर्मीको कमान्डो भएको प्रहरीका एक उच्च अधिकारीले जानकारी दिए । 

दूतावासको घटनामा भारतीय पक्षले नै अनुसन्धान गरी शवको जिम्मा लिने बताइएको छ ।  उनको शव पोस्टमार्टमका लागि त्रिवि शिक्षण अस्पताल लगिएको छ ।

करिब आठ वर्ष अघि दूतावासमा यसैगरी सिपाहीले आफैंलाई गोली प्रहार गरी आत्महत्या गरेका थिए ।