काठमाडौं । बागलुङको तमानखोला गाउँपालिकाको अध्यक्ष र उपाध्यक्ष पदमा नेपाली कांग्रेसका उमेदवार विजयी भएका छन् ।

कांग्रेस जिल्ला सभापति जित शेरचनले बाह्रखरीलाई दिएको जानकारीअनुसार अध्यक्ष र उपाध्यक्षसहित तीनवटा वडा कांग्रेसले जितेको हो ।

पालिकाको अध्यक्षमा कांग्रेसका उमेदवार जोकलाल बुढा दुई हजार ७०७ मत ल्याउँदै विजय भएका हुन् । उनका निकटतम प्रतिस्पर्धी नेकपा (माओवादी केन्द्र)का उमेदवार देवबहादुर पुनले एक हजार ९९५ मत पाएका छन् ।

उपाध्यक्षमा कांग्रेसकै उमेदवार हिराकुमारी छन्त्याल दुई हजार ७६८ मत ल्याउँदै विजयी भइन् । उनका निकटतम प्रतिस्पर्धी माओवादीका उमेदवार निशु रसाइलीले एक हजार ९५८ मत पाएकी छन् ।