बुटवल । बुटवल उपमहानगरपालिकामा ४ सय मत गणना हुँदा कांग्रेसका उमेदवार खेलराज पाण्डेले अग्रता लिएका छन् । बुटवल उपमहानगरपालिका वडा नम्बर १ को मतगणना गर्दा मेयरमा कांग्रेसका खेलराज पाण्डेले २१५ मतका साथ अग्रता लिएका छन् ।

राप्रपाका मृगेन्द्र शेरचनले ११३ मतका साथ दोस्रो र नेकपा एमालेका बाबुराम भट्टराई ७८ मतका साथ तेस्रो स्थानमा छन् ।

बुटवलमा राति करिब १ बजेबाट मतगणना सुरु भएको थियो। यहाँ सत्ता गठबन्धनबाट कांग्रेसका पाण्डे मेयरका उम्मेदवार हुन् भने, एमाले र जनमुक्तिबाट भट्टराई र राप्रपाका एकल उम्मेदवार शेरचन हुन् ।