site stats
बाह्रखरी :: Baahrakhari
अन्तर्वार्ता
Nabil BankNabil Bank
Sarbottam CementSarbottam Cement
बेलौरीलाई 'आदर्श नगर' बनाउँछु
Ghorahi CementGhorahi Cement

अनेरास्ववियुबाट विद्यार्थी राजनीति हुँदै एमालेको केन्द्रीय सदस्य बनेकी कमला बोहोरा कञ्चनपुरको बेलौरी नगरपालिकामा नेकपा (एमाले)बाट नगरप्रमुखको उमेदवार छिन् । कञ्चनपुर जिल्लामा एमालेको सहइन्चार्जको जिम्मेवारीमा समेत रहेकी बोहोरा आफ्नो नगरपालिकाका समस्या समाधान गरी 'आदर्श नगर' बनाउने योजना लिएर घरदैलो गरिरहेकी छन् ।

आरक्षपीडित र सुकुम्बासीका समस्या सम्बोधन, खानेपानी र तटीय क्षेत्रको कटान नियन्त्रणसहितका कार्यक्रम लिएर निर्वाचनमा होमिएकी उनी विगतमा हारेका स्थानबाट एमालेमा नेतृत्व फर्काउने कसरतमा छिन् । विगतमै माओवादी केन्द्रले जितेको बेलौरीमा अहिले गठब्नधसमेत भएको अवस्थामा एमालेबाट जित्ने आधार के हुन् त ? प्रस्तुत छ, बाह्रखरीले उनै बोहोरासँग गरेको कुराकानीको सम्पादित अंश :

बेलौरी नगरपालिकाको प्रमुखमा किन चुनाव लड्दै हुनुहुन्छ ? 
बेलौरी नगरपालिकामा चुनाव लड्नुका थुप्रै उद्देश्य छन् । मेरो उपस्थिति, मेरो उमेदवारी र भोलि मेरो विजयले यहाँका जनताका आवश्यकता पूरा गर्नका लागि, यहाँका जनताका साना भन्दा साना समस्या पनि समाधान गर्नका लागि मेरो उमेदवारी हो ।

Agni Group

अघिल्लोपटक माओवादी केन्द्रले जितेको थियो । यसपटक त गठबन्धन समेत भएको छ । तपाईं हार्न चुनाव लड्नुभएको ? 
अघिल्लोपटक हाम्रो पार्टीले राम्रो उमेदवार दिन सकेन त्यसकारण दोस्रो हुनुपर्ने अवस्था थियो । अहिले फरक अवस्था निर्माण भएको छ । पार्टीले गठबन्धनका विरुद्धमा मलाई उठाएको छ । सबैभन्दा यहाँको हाम्रो पार्टी, सक्षम र तटस्थ जनता र म एउटा महिला पनि भएका कारण महिला समुदायले एउटा सशक्त महिला भएका कारण मलाई भोट हाल्ने भनिरहनुभएको छ । यही आधारमा चुनाव जित्छौँ भन्ने हामीलाई लागेको छ । 

हाम्रो यहाँको कुल भोटर ३४ हजार ५३९ भोटर छन् । यसको आधा भोटर महिला छन् । नगरप्रमुखमा महिला उमेदवार म मात्र भएकाले एउटा जितको आधार यो हो । दोस्रो एउटा पढेलेखेको व्यक्ति जसले भोली यो नगरपालिकाको मुहार फेर्न सक्छ भन्ने जनविश्वास छ ।  

Global Ime bank

त्यसबाहेक भ्रष्टाचार नियन्त्रणको कुरा छ, शिक्षा, स्वास्थ्य रोजगारीको कुरा छ । उनीहरूलाई श्रम र उत्पादनसँग जोड्ने कुरा छ । यी सबैको प्रतिनिधित्व हुने खालको वातावरण मेरो नेतृत्वमा हुनेमा जनताको विश्वास रहेकाले पनि मेरो जित सुनिश्चित छ । 

नगरपालिकाको विगतको नेतृत्वको कार्यकालप्रति तपाईंको मूल्यांकन के छ ? 
बेथितिको एउटा रूपमा बेलौरी नगरपालिका भएको छ । यहाँ अनुदानमा बेथिति, विकासका कुराहरूमा बेथिति, परिवारवाद र नातावाद कृपावादको नेतृत्व नेकपा (माओवादी केन्द्र)ले गरेको छ । यहाँको स्थानीय जनतप्रतिधि मेयरदेखि सांसदसम्म माओवादी केन्द्रकै हुनुहुन्छ । यस बीचमा भएका जघन्य समस्या आउँदा सहज समाधानको पहल हुन सकेन ।

कोरोना महामारीले विक्षिप्त बनाउँदा, कात्तिकमा आएको बाढीले धान नष्ट हुँदा जनताका समस्यासँग माओवादी केन्द्रबाट निर्वाचित जनप्रतिनिधिले सरोकार नै नभएको झैँ व्यवहार गरेका छन् । जनताका समस्या जुन प्रकारको भूमिका खेल्नुपर्थ्यो  त्यो भूमिका निर्वाह हुन सकेन । बेलौरी नगरपालिकालाई कमिसनको खेलबाट विकास नै रोक्ने काम गरेको छ । फेरि पनि उनीहरूलाई नै बेलौरीको नेतृत्व दिँदा जनताको हित हुँदैन भन्ने यहाँका जनताको बुझाइ रहेको छ । 

म अहिलेसम्म सार्वजनिक लाभका पदमा नबसेको, पाएका जिम्मेवारी विना भेदभाव पूरा गरेकाले पनि यहाँका जनताको विश्वास र भरोसा मसँग रहेको छ । 

हिजो एक्लै चुनाव जितेको माओवादीले गठबन्धन गरेको छ । अब तपाईंलाई जित्न अझ मुस्किल हुन्छ होला नि ? 
हाम्रोमा गठबन्धन हुने भनिएपनि हुन सकेन । देशभर गठबन्धन भए पनि हाम्रो पालिकामा सबै पार्टी एक्लाएक्लै चुनाव लडेको अवस्था छ । यसकारणले पनि स्वस्थ प्रतिस्पर्धा हुन्छ । प्रतिस्पर्धा कडा हुन सक्छ । तर, यो प्रतिस्पर्धामा श्रेष्ठता हासिल गर्छु भन्नेमा म विश्वस्त छु । 

तपाईंले देखेको बेलौरी नगरपालिका कस्तो छ ? 
सबैभन्दा पहिलो त यहाँको समृद्धि हो । समृद्धिसँग जोडिएको शिक्षा, स्वास्थ्य, खानेपानी समस्या, नगरलाई सुव्यवस्थित गर्नुछ । त्यसबाहेक बाटोघाटो पुल पुलेसा निर्माण गर्नुछ । नदीको तटबन्धन गर्नुछ । सीमासँग जोडिएको नगर हुँदा सीमा समस्याका विषयलाई राष्ट्रियस्तरको मुद्दा बनाएर समाधान गर्नुछ, महिलाहरूको स्वास्थ्यसँग जोडिएका कुाराहरू छन् । सबैभन्दा ठूलो समस्या सुकुम्बासी र आरक्षा पीडितहरूको छ । यी समस्या समाधान गर्नुछ । अहिले पनि जंगलकोबिचमा सुकुम्बासी भएर बस्नुपर्दा नारकीय जीवन बिताउनुपरेको छ । यी कुराहरूलाई सम्बोधन गरेपछि बल्ल साँच्चिकै बेलौरी नगरपालिकालाई समतामुलक र सुशासन भएको आदर्श नगरपालिका बनाउन सकिन्छ । 

सबै जनताले न्यायपूर्ण जीवन बिताउन पाउने पालिका, शासक बस्ने ठाउँ होइन जनताले संघर्षबाट ल्याएको व्यवस्थाको पहिलो हकदार जनता हुन भन्ने ज्ञान भएको जनताको सेवकको नेतृत्व भएको ठाउँ बनाउनुछ । 

पालिका गाउँघरको सिंहदरबार हो । यहाँ सम्पूर्ण समस्या समाधान हुन्छन् भन्ने कुरा स्थापित गर्नुछ । 

NIBLNIBL
प्रकाशित मिति: बुधबार, वैशाख २१, २०७९  १८:३९
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC