काठमाडौं ।  नेकपा एमालेले पोखरा महानगरपालिकाको मेयरको टिकट खोसेको छ । यसअघि बसेको सचिवालय बैठकले मेयरमा दीपक पौडेल र उपमेयरमा मञ्जु गुरुङलाई उमेदवार बनाउने निर्णय गरेको थियो ।

तर चौतर्फी विरोधपछि पौडेलको टिकट खोसिएको बताइएको छ । एमालेले कृष्ण थापालाई मेयरको उमेदवार बनाउने निर्णय गरेको छ ।

सो कुराको पुष्टि गर्दै थापाले बाह्रखरीसँगको कुराकानीमा आफूले प्रदेशसभाबाट राजीनामाको तयारी गरिसकेको बताए ।

उनले भने, “हो मैले टिकट पाएको हुँ । प्रदेशसभाबाट राजीनामा दिँदैछु । त्यसपछि मेयरमा उमेदवारी दर्ता गराउन जानेछु ।”