काठमाडौं । डाबर नेपालले रियल म्याङ्गो पेट बजारमा ल्याएको छ । रियल पेट मिक्स्ड फ्रुट र अनारको स्वादमा पनि उपलब्ध रहेको कम्पनीले जनाएको छ ।

डाबर नेपालका व्यवसाय प्रमुख एचएस बेदीले नेपाली उपभोक्ताहरुलाई नवीनतम उत्पादनबाट खुशी राख्ने निरन्तर प्रयासकै यो एउटा उपज भएको बताए ।

डाबर नेपालका मार्केटिङ्ग प्रमुख अभय गोर्खालीले रियल पेट बोतलको लन्च गहन बजार अनुसन्धानको प्रतिफल भएको बताए ।

नयाँ पेट २०० एमएल, ५०० एमएल र १ लिटर बोटलमा ल्याइएको छ । यसको बजार मूल्य क्रमशः ३५, ८५ र १५० रुपैयाँ रहेको कम्पनीले जनाएको छ ।