काठमाडौं । कन्ज्युमर इलेक्ट्रोनिक्स एवं रेफ्रिजेरेटर ब्रान्ड सामसङले कम्प्याक्ट मोडर्न किचनका लागि डिजाइन गरिएको थ्री डोर कन्भर्टिबल फ्रेन्च डोर रेफ्रिजेरेटरको नयाँ मोडेल बजारमा ल्याएको छ । सामसङले नेपालका ग्राहकहरूबाट माग हुँदै आएकाले ठूला रेफ्रिजेरेटरहरूको आपूर्ति गर्दै आएको छ ।

फ्रेन्च डोर रेफ्रिजेरेटरमा भएको कन्भर्टिबल अप्सनले ग्राहकहरूलाई आवश्यकताअनुसार एउटा बटन दबाउँदै फ्रिजरलाई फ्रिजमा परिवर्तन गर्न सक्ने सुविधा ल्याएको कम्पनीले जनाएको छ ।

आकर्षक, कम्प्याक्ट र फ्लाट बाहिरी डिजाइनका यी रेफ्रिजेरेटरमा ढोका नखोली रेफ्रिजेरेटरको चिसो तापक्रमलाई कायमै राखेर चिसो पानी निकाल्न मिल्ने गरी वाटर डिस्पेन्सरको सुविधा पनि राखिएको जनाइएको छ । यो स्टाइलिस स्टेनलेस स्टील फिनिस भएको फ्रेन्च डोर रेफ्रिजेरेटर वाटर डिस्पेन्सरसहित ५७९ लिटरमा उपलब्ध छ ।

५७९ लिटरको फ्रेन्च डोर रेफ्रिजेरेटरको बजार मूल्य तीन लाख रुपैयाँ रहेको कम्पनीले जनाएको छ ।

फ्रेन्च डोर रेफ्रिजेरेटरहरू सामसङ प्लाजा साथै हिम इलेक्ट्रोनिक्स र त्रिवेणी व्यापारको वितरक सञ्जालमार्फत नेपालभर सम्पूर्ण प्रमुख कन्ज्युमर इलेक्ट्रोनिक्स स्टोरहरूमा उपलब्ध रहेको कम्पनीले जनाएको छ ।

यो रेफ्रिजेरेटरको कम्प्रेसरमा १० वर्षको वारेन्टी दिइएको र ५० प्रतिशतसम्म विद्युत् खपत कम गर्ने डिजिटल इन्भर्टर रहेको जनाइएको छ ।