काठमाडौं । बुधबार काठमाडौंको नयाँ बानेश्वरमा एमसीसीको विरोधमा प्रदर्शन भयो । जसले गर्दा नयाँ बानेश्वर क्षेत्र दिनभरजसो तनावग्रस्त बन्यो । नेकपा (माओवादी केन्द्र), नेकपा (एकीकृत समाजवादी), नेमकिपा, राप्रपासहितका दलहरूले एमसीसीको विरोधमा प्रदर्शन गरेका थिए ।

प्रदर्शनका क्रममा प्रदर्शनकारी र प्रहरीबीच झडपसमेत भएको थियो । प्रदर्शनकारीहरूले प्रहरीमाथि ढुङ्गामुडा प्रहार गरेका थिए । त्यस क्रममा प्रहरीले पानीको फोहोरा हानेको थियो । कतिपयलाई लाठी चार्जसमेत गरेको थियो ।

यी सबै दृश्यलाई सञ्चारकर्मीहरूले कैद गरेका थिए । कसैले क्यामेरा बोकेर तस्बिर कैद गरिरहेका थिए भने कसैले भिडियो कैद गरिरहेका थिए । त्यसक्रममा केही पत्रकारलाई ढुङ्गा लागेको थियो ।

अर्थात सबैजन आआफ्नो कर्तव्य निर्वाह गरिरहेका थिए ।

तस्बिरहरू : अभिषेक महर्जन/बाह्रखरी