site stats
बाह्रखरी :: Baahrakhari
अन्तर्वार्ता
Nabil BankNabil Bank
Sarbottam CementSarbottam Cement
राष्ट्रिय टोलीको जिम्मेवारी मेरो प्रमुख प्राथमिकता हो
Ghorahi CementGhorahi Cement

नेपाल क्रिकेट संघ (क्यान)ले तत्कालीन कप्तान ज्ञानेन्द्र मल्लसहित चार खेलाडीलाई अनुशासनको कारवाही गर्दै सन्दीप लामिछानेलाई नयाँ कप्तान नियुक्त गरेको थियो । त्यसअघि नै सुरु भएको खेलाडी र क्यानबीचको विवादले अझ चर्को रुप लियो । तर, अहिले तत्कालका लागि ती सबै विवाद समाधान भइसकेका छन् । क्यानले ओमानमा १७ फेब्रुअरीबाट हुने आईसीसी ट्वान्टी–२० विश्वकपको ग्लोबल छनोटका लागि माघ ६ गते सन्दीप लामिछानेको कप्तानीमा १६ सदस्सीय टोलीको घोषणा गरिसकेको छ । 

नेपाली राष्ट्रिय टोलीले पुस १९ गतेबाट बन्द प्रशिक्षण सुरु गरिसकेको छ । तथापि, प्रधानमन्त्री कप राष्ट्रिय क्रिकेट प्रतियोगिताका कारण बीचमा प्रशिक्षण अवरुद्ध भएको थियो । अब शनिबारबाट पुनः प्रशिक्षण सुरु हुनेछ । कप्तान सन्दीप शुक्रबार साँझ १० बजे नेपाल आइपुगेका छन् । उनले अब पीसीआर परीक्षणपछि आइतबारबाट प्रशिक्षण थाल्ने सम्भावना छ । उनै सन्दीप लामिछानेसँग त्रिभुवन विमानस्थलमा गरिएको कुराकानीको संक्षिप्त अंश : 

अष्ट्रेलियन बिगबास लिग खेल्दाखेल्दै बीचमै छाडेर नेपाल फर्किनुको कारण के थियो ?

Agni Group

राष्ट्रिय टोलीको जिम्मेवारी मेरो प्रमुख प्राथमिकता हो । देशभन्दा ठूलो केही हुँदैन । टिमसँग सामेल भएर आगामी दिनका योजनाहरु बनाउन पनि हो । अहिलेको टोलीमा युवा खेलाडीका साथै पहिलेदेखी खेल्दै आएका सिनियर दाइहरु पनि हुनुहुन्छ । सबैजना एकठाँउमा उभिएर मिलेर अगाडि बढ्ने योजना बनाउनुका साथै सन्तुलित टिम बनाउने योजनाबारे ‘वर्क आउट’ गर्नुपर्ने थियो । त्यसका लागि पनि म चाँडै फर्किएको हुँ । 

यसबीचमा नेपाल क्रिकेट संघ (क्यान) र खेलाडीबीच विवाद भयो । यसलाई तपाईंले कसरी लिनुभएको छ ?

Global Ime bank

यो सबै हुँदा म अष्ट्रेलियामा थिएँ । धेरै कुरामा उतारचढाव भए । म यहाँ नहुनु पनि केही दुर्भाग्यपूर्ण रह्यो । तर, विस्तारै ती सबै कुरा समाधान भएका छन् । परिवारभित्रको कुरा परिवार भित्र नै समाधान भयो । जुन राम्रो हो । अब सबै कुरा मिलिसकेको छ । सबै जना खुसी हुनुहुन्छ । बाहिरी कुरा गर्ने हो भने त छुट्टै कुरा हो । सबै जना खुसी पनि हुँदैन । मलाई लाग्छ, हामी एक टिम हौं । एक परिवार हौं । हामी सबैजना एउटा परिवारलाई नेतृत्व गर्दैछौं । र, यो देशको प्रतिनित्व गर्नेछौं । नेपालको झण्डाभन्दा ठूलो अरु केही पनि छैन । 

अष्ट्रेलिया जाँदा राष्ट्रिय टोलीको सदस्य हुनुहुन्थ्यो । नेपाल फर्किंदा कप्तान हुनुभएको छ । कस्तो अनुभव भइरहेको छ ?

खासै केही फरक छैन । मेरो करिअरमा यहाँसम्मको यात्रामा मैले ‘इन्जोए’ गरिरहेको थिएँ । आजको यात्रामा पनि नेपाल आइपुग्दासम्म मैले धेरै कुरा सोचिरहेको थिएँ । सबैजना मिलेर कसरी अगाडि बढ्ने । टिमलाई एकत्रित गरेर एकै ठाँउमा उभिएर आगामी प्रतियोगिताहरुमा कसरी अगाडि बढ्ने भन्ने विषयमा योजनाहरु बनाइरहेको थिएँ । 

अहिलेको मुख्य प्रशिक्षक पुबुदु दायानायकले नै तपाईंलाई चितवनबाट राष्ट्रिय टोलीसम्म ल्याउनु भयो । अन्तर्राष्ट्रिय करिअरसम्म पुर्याउनु भयो । उहाँकै प्रशिक्षण कालमा तपाईं कप्तान बन्नु भएको छ । यो संयोगलाई कसरी हेर्नु भएको छ ?

मेरा लागि राम्रो अवसर हो । उहाँले नै मलाई पहिलो पटक ‘पिक’ गरेर यहाँसम्म ल्याइदिनु भयो । त्यो पनि एउटा राम्रो अवसर थियो । त्यसकारण पनि हामीलाई अगाडिको यात्रामा सजिलो हुने विश्वास लिएको छु । हामीबीच ‘कम्युनिकेसन ग्याप’हरु पनि खासै हुँदैनन् । त्यसले गर्दा टिममा योजना बनाउँदा होस् अथवा अन्य विषयमा कुरा गर्दा होस्, हामी एकआपसमा खुलेर कुरा गर्न सक्छौं । 

नयाँ र युवा कप्तान । टिममा पनि युवाकै वर्चश्व छ । ओमानमा हुने आईसीसी ट्वान्टी–२० विश्वकपको ग्लोबल छनोटलाई कसरी हेर्नुभएको छ ?

पक्कै पनि हामी विश्वकपको विषयमा सचेत छौं । म आज र भोलि आराम गर्नेछु । त्यसपछि टिममा सामेल हुनेछु । हामीले अझै धेरै कुराहरु सुधार्नु पर्नेछ । क्याम्पमा पनि यस विषयमा कुरा हुनेनै छ । सुधार्नुपर्ने कुरामा हामी वर्कआउट गर्नेछौं । 

प्रधानमन्त्री कप राष्ट्रिय क्रिकेट प्रतियोगितापछि छनोट भएको टोलीमा लोकेश बम र विवेक यादव जस्ता खेलाडी टिममा थपिएका छन् । यसलाई तपाईंले कसरी लिनु भएको छ ?

यो उहाँहरुका लागि राम्रो अवसर हो । जो कसैलाई पनि देशको प्रतिनिधित्व गर्न पाउनु गौरवको कुरा हो । उहाँहरु दुबै टोलीमा पर्नु भएको छ । पक्कै पनि यसले हाम्रो टोलीलाई बलियो बनाउन नै मद्दत गर्नेछ । उहाँहरुले यस प्रतियोगिता र आगामी दिनमा पनि राम्रो गर्नुहुनेछ । एउटा बेन्चमार्कको सरुआत गर्न हामी सबैका लागि यो राम्रो सुरुआत हो ।

यसबीचमा मुख्य प्रशिक्षक पुबुदु दासानायकसँग तपाईं कत्तिको सम्पर्कमा हुनुहुन्थ्यो ?

निरन्तर संवाद भइरहेको छ । मैले प्रधानमन्त्री कपलाई पनि नजिकबाट नियालिरहेको थिएँ । आफ्नो खेल भएको दिन हेर्न नपाए पनि मैले ‘हाइलाइट्स’हरु हेरिरहेको थिएँ । 

अहिलेको टिममा सिनियर खेलाडीहरु पनि हुनुहुन्छ । जसको कप्तानीले तपाईंले खेल्नु भएको थियो । उहाँहरुलाई ह्याण्डल गर्न तपाईंलाई कत्तिको दबाब वा सहज होला ?

मलाई विश्सास छ, यसमा कुनै कठिनाई हुँदैन । यस विषयमा धेरै कुरा उठिरहेको हुन्छ । तर, मलाई लाग्छ, यसमा हामी सबैबीच राम्रो ‘अन्डरस्ट्यान्डिङ’ हुनेछ । किनभने हामी पहिला पारस दाइको कप्तानीमा खेल्थियौं । फेरी ज्ञानु दाई (ज्ञानेन्द्र मल्ल)को कप्तानीमा खेल्यौं । हामी एकअर्कासँग बाँधिएका छौं । सबैजना एकै पटक कप्तान हुन मिल्दैन । तर, आफ्नोतर्फबाट सबै सिनियर दाइहरुलाई सम्मान गर्दै युवा खेलाडीहरुलाई कसरी प्रेरित गर्ने भन्ने हो । हामीले पनि सिनियर खेलाडीसँग धेरै सिक्न बाँकी छ । यो सबै कुराको मिश्रणले राम्रो हुने विश्वासमा छु । 

आईसीसी ट्वान्टी–२० विश्वकपको ग्लोबल क्वालिफायर खेल्दैछौं । चुनौती कत्तिको छ ?

हरेक प्रतियोगिता खेल्दा ठूलो चुनौती हुनेगर्छ । प्रत्येक प्रतियोगितामा कुनै न कुनै प्रकारका चुनौती भइराखेको हुन्छन् । चुनौतीभन्दा पनि यसलाई हामीले सकरात्मक रुपमा लिएर अगाडि बढ्नुपर्छ । अवसरको रुपमा हेर्नुपर्छ । नेपालले विश्वकप नखेलेको सात वर्ष भइसकेछ । हाम्रो लक्ष्य यही हुनेछ की हामी फिल्डमा सतप्रतिशत दिने हो । सकरात्मक मानसिकताका साथ अगाडि बढ्ने हो । आशा छ पक्कै पनि हामी राम्रो नतिजा निकाल्न सफल हुनेछौं । 

NIBLNIBL
प्रकाशित मिति: शनिबार, माघ ८, २०७८  ११:०६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC