नेपाल श्रीलंकासँग ६० रनले पराजित

खेल

बाह्रखरी आइतबार, पुस ११, २०७८

काठमाडौं । नेपाली युवा क्रिकेट टोली आइतबार एसीसी यू-१९ एसिया कप क्रिकेट प्रतियोगितामा श्रीलंकासँग ६० रनले पराजित भएको छ ।

प्रतियोगिता नेपालको यो लगातार दोस्रो हार हो । यसअघि नेपाल बंगलादेशसँग १५४ रनले पराजित भएको थियो ।

शारजाह क्रिकेट मैदानमा टस जितेर ब्याटिङ गरेको श्रीलंकाले निर्धारित ५० ओभरमा चार विकेट गुमाएर ३२२ रन बनाएको थियो । ३२३ रनको लक्ष्य पछ्याएको नेपालले ४७.५ ओभरमा सबै विकेट गुमाएर २६२ रनमात्र बनाउन सक्यो ।

श्रीलंकाका ओपनर शेभोन ड्यानियल सुरुमै आउट भए पनि अर्का ओपनर चामिन्दु विक्रमासिंङघे र सदिशा राजापाक्षेले श्रीलंकाको स्कोर उकासे । दुई जनाले दोस्रो विकेटका लागि २२३ रनको साझेदारी गरेका थिए । चामिन्दुले १२६ बलमा ८ चौका र २ छक्कासहित १११ रन बनाए । सदिशाले ११९ बलमा ११ चौका र दुई छक्कासहित १३१ रन बनाएका थिए । दुनिथ वेलालागेले ३४ रन रन बनाए ।