कोरिया । नेट्फिल्क्सको कोरियन सिरिज ‘स्क्विड गेम’ अहिले विश्वभरिका दर्शकमाझ लोकप्रिय छ । सिरिजको चर्चासँगै अहिले त्यसका कलाकारहरु पनि चर्चामा आउन थालेका छन् । सिरिज हेरेरै उनीहरुलाई सामाजिक सञ्जालमा खोज्ने र फलो गर्नेहरु बढिरहेका छन् । 

जसमा मोडलिङबाट अभिनयमा आएकी अभिनेत्री जंग हो योंङ पर्दछिन् । यो पहिलो पटक मुख्य भूमिकामा देखिएकी उनी पहिलो सिरिजबाटै चर्चित बनेकी छिन् । बलिउड हंगामाका अनुसार उनी अहिले सबैभन्दा बढी इन्स्टाग्राम फलोअर्स भएकी कोरियन अभिनेत्री बनेकी छिन् । जसमा उनले अर्की अभिनेत्री लि संङ क्यंङलाई पनि उछिनेकी छिन् ।
 
सेप्टेम्बर २१ मा ‘स्क्विड गेम’ प्रिमियरको बेला उनको फलोअर्स १ मिलियन मात्रै थियो । सिरिज प्रिमियर भएको एक महिना नबित्दै उनको फलोअर्स लिस्ट बढेर १३ मिलियनभन्दा बढी भैसकेको छ । 

अर्की अभिनेत्री (लि संङ क्यंङ्) जसलाई उनले फलोअर्समा उछिन्न सफल बनिन् उनको फलोअर्स १२.९ मिलियन मात्रै छ ।  बलिउड हंगामा