काठमाडौं । कैलालीमा असई हत्या प्रकरणमा संलग्न भएको आशंकामा प्रहरीले ११ जनालाई नियन्त्रणमा लिएको छ ।
गएराति कैलालीमा तस्कर समूहले एक प्रहरीको हत्या गरेको विषयमा अनुसन्धानका क्रममा ११ जनालाई प्रहरीले नियन्त्रणमा लिएको सुदूरपश्चिम प्रहरी प्रमुख डीआजी उत्तमराज सुवेदीले जानकारी दिएका छन् ।
गएराति धनगढी उप-महानगरपालिका १२ को अस्थायी प्रहरी विट जुगेडामा कार्यरत प्रहरी सहायक निरीक्षक (असई) गोविन्द विक र प्रहरी जवान रामबहादुर साउँद ड्युटीमा निस्किएका थिए ।
जसमध्ये एकजनाको शव आइतबार बिहान मोहना नदीमा भेटिएको थियो ।
प्रहरी जवान रामबहादुर साउँद भने अझै फेला परेका छैनन् । तर उनले प्रयोग गर्ने गरेको मोबाइल भने फेला परेको छ । उनको खोजी कार्य भइरहेको प्रहरीले जनाएको छ ।
तस्कर समूहले प्रहरीको हत्या गरी पानीमा फालेको हुनसक्ने प्रहरीको दाबी छ ।
फाइल तस्बिर ।
कैलालीमा भेटिएको शव असई गोविन्द विकको भएको पुष्टि, घाँटी रेटेर हत्या
कैलालीमा तस्कर समूहद्वारा एक प्रहरीको हत्या, एकजना सम्पर्कविहीन
कैलालीमा ड्युटीमा गएका दुई प्रहरी सम्पर्कविहीन, एकजनाको शव भेटियो
-1749017675.jpg)
-1749010126.jpg)
-1747106471.jpg)
