एजेन्सी । जजलाई बलले लाग्दा नोभाक जोकोभिच यूएस ओपन टेनिसमा अयोग्य घोषित भएका छन् । शीर्ष वरीयताका खेलाडी जोकोभिचले प्रहार गरेको बलले लाइन जजलाई लागेपछि अयोग्य हुँदै प्रतियोगिताबाट बाहिरिएका हुन् ।

खेलमा आक्रोशित अवस्थामा रहेका जोकोभिजले बल साइडमा प्रहार गरेका थिए । उनले प्रहार गरेको बल जर्जलाई लागेको थियो । खेलमा ६-५ ले अघि रहेको अवस्थामा यस्तो घटना भएको थियो ।

जोकोभिचले गोजीबाट बल निकालेर प्रहार गरेका थिए । आयोजकले लामो समय निर्णय गरेर प्रतियोगिताबाट बाहिरिएको बताएको थियो । यूएस टेनिस संघले ग्रान्डस्लाको नियमअनुसार उनलाई प्रतियोगितामा अयोग्य घोषित गरेको विज्ञप्तिमार्फत जानकारी गराएको  छ ।