एजेन्सी । भारतीय टेलिशृङ्खला ‘कसौटी जिन्दगी के’ का कलाकार पार्थ सम्थानमा कोरोना संक्रमण देखिएको छ । पार्थमा कोरोना देखिएसँगै सावधानी अपनाउँदै नाटकका अरू कलाकार करण पटेल र पूजा बनर्जीले कोरोना परीक्षण गराएका छन् । 

यद्यपि उनीहरूको रिपोर्ट भने नेगेटिभ आएको छ । करणका प्रवक्ताले एक विज्ञप्ति जारी गरी यसको जानकारी दिएका हुन् । विज्ञप्तिमा भनिएको छ, “करणको स्वाब परीक्षण नेगेटिभ आएको छ । उनले सबैलाई सुरक्षित रहन र सामान्य लक्षण देखिएमा पनि परीक्षण गराउन आग्रह गरेका छन् ।”

साथै कसौटीको टिमले पूजाको पनि परीक्षण नेगेटिभ आएको र बाँकी टिमलाई नआत्तिन आग्रह गरेको छ । केही साताअघिमात्रै छायांकनमा फर्किएको यस टेलिशृङ्खलाको छायांकन केही दिनका लागि पुनःस्थगित गरिएको छ भने छायांकन स्थललाई स्यानिटाइज पनि गरिएको छ । 
(इन्डियन एक्सप्रेस)