चितवन । चितवन राष्ट्रिय निकुञ्‍जमा बुधबार मृत गैडा फेला परेको छ । 

निकुञ्‍जका सहायक संरक्षण अधिकृत  प्रकाश उप्रेतीका अनुसार अन्दाजी २५ वर्षको भाले गैंडा आज दिउसो १ बजे मृत फेला परेको हो । 

उक्त भाले गैंडा जुधेर र वा हिलोको दलदलमा फसेर मरेको अनुमान गरिएको छ । गैंडाको खाग र खुर सुरक्षित राखिएको बताइएको छ । 

आर्थिक वर्ष ०७६-०७७ मा चितवन राष्ट्रिय निकुञ्‍जमा मात्रै प्राकृतिक कारणले २४ वटा गैंडा मरेका छन । 

निकुञ्‍जको पछिल्लो गणना अनुसार यहाँ  ६०५ गैंडा रहेका छन ।