काठामाडौं । नेपाली कथानक चलचित्र ‘आमा’को निर्माण युनिट वर्कसपमा बसेको छ । हिजो (मंगलबार)बाट निर्देशक दीपेन्द्र के खनालसहितको ‘आमा’को निर्माण पक्ष पाँच दिनको वर्कसपमा बसेको हो ।

पाँच दिनको वर्कसपछि निर्माण युनिक क्यारेक्टर निर्माणका लागि एक हप्ता छायांकनमा जानेछ । “चलचित्रको क्यारेक्टर कस्तो देखिन्छ र थप सुधार आवश्यक छ कि छैन भनेर एक हप्ता सुटिङमा जाने छौं,” निर्देशक खनालले बाह्रखरीसँग भने, “पोष्ट प्रोडक्सनमा गएर एक हप्ताको काम हेरिसकेपछि क्यारेक्र निर्माणमा पुनः बस्नेछौं ।”

एक हप्ताको छायांकन र पोस्ट प्रोडक्सनपछि पुनः १५ दिन वर्कसपमा बसेपछि चलचित्रको छायांकन सुरु हुनेछ । 

चलचित्रमा सुर्यमाला शर्मा, सुरक्षा पन्त, सरिता गिरी लगायत कलाकार मुख्य भूमिकामा हुनेछन् । ‘पशुपतिप्रसाद’पछि निर्देशनमा अपेक्षित सफलता हात नपरेपछि निर्देशक खनाल ‘आमा’ मार्फत आफ्ना शाख फर्काउने उद्देश्यमा छन् । 

शर्मिला पाण्डेको निर्माण चलचित्र ‘आमा’ निर्देशक खनाल स्वयम्ले लेखका हुन् । चलचित्र पनि निर्देशक आफैं खिच्दैछन् । 

फागुन ९ गते चलचित्र प्रदर्शनमा आउने छ ।   
 

‘पशुपतिप्रसाद’पछिको भोक ‘आमा’बाट मेटाउने प्रयासमा दीपेन्द्र