काठमाडौं । राष्ट्र बैंकले ६ अर्ब रुपैयाँको विकास ऋणपत्र बिक्री गर्ने भएको छ । 

केन्द्रीय बैंकले १३ वर्ष अवधिको विकास ऋणपत्र २०८९ (ख) बोलकबोल प्रक्रियाद्‍वारा बिक्री गर्ने भएको हो ।  बोलकबोल २०६९ जेठ ९ गते दिउँसो ३ बजे हुनेछ । ऋणपत्र खरिद गर्न बैंक तथा वित्तीय संस्था, बीमा कम्पनी, संगठन तथा नेपाली नागरिकले गर्न सक्ने बताइएको छ । ऋणपत्र २०८९ जेठ ९ गते परिपक्व हुने राष्ट्र बैंकले जानकारी दिएको छ ।
 
प्रतिस्पर्धी र अप्रतिस्पर्धी समूहबिच बिक्री गरिने कुल ऋणपत्रमध्येमा प्रतिस्पर्धी र अप्रतिस्पर्धी बोलवालाहरुलार्ई क्रमशः निष्कासित रकमको ८० र २० प्रतिशत अर्थात ४८० करोड र १२० करोड छुट्याइएको छ ।

प्रतिस्पर्धी बोलवालाले खरिद गर्न चाहेको रकम र कबोल गर्न चाहेको ब्याजदर उल्लेख गर्नुपर्नेछ । इच्छुक बोलवालाले बहुब्याजदरमा समेत बोल गर्न सक्नेछन् । अप्रतिस्पर्धी बोलवालाले खरिद गर्न चाहेको रकममात्र उल्लख गर्नुपर्नेछ । प्रतिस्पर्धी बोलकबोलबाट निर्धारित एकल ब्याजदरमा अप्रतिस्पर्धी बोलवालालाई उक्त ऋणपत्र बिक्री गरिने राष्ट्र बैंकले बताएको छ ।