ad

अर्थ व्यवसाय

ग्याङ्ग अफ डस्टर्सको सशक्त यात्रा पहिलोपटक नेपालसम्म शुभारम्भ 

१४ सय किमी लामो ९ दिने अन्तर्राष्ट्रिय यात्रा लखनउबाट प्रस्थान

काठमाडौं । रेनो, नेपालमा द्रूत गतिमा अगाडि बढिरहेको अटोमोबाइल ब्राण्डको आफ्नो साहसिक यात्रा समुदाय ग्याङ्ग अफ डस्टर्सले नेपालमा पहिलो पटक यात्रा शुभारम्भ गरेको छ ।

९ दिने प्रसिद्ध सशक्त यात्रा करिब १४०० किलोमिटरको हुनेछ । यो साहसिक यात्रा लखनउबाट कात्तिक २४ गते शुरु भएको थियो भने भारतमा गोरखपुर हुँदै नेपाल प्रवेश गरेको थियो ।

नेपालमा, ग्यांङ्ग अफ डस्टर्सले काठमाडौंको यात्रा पुरा गरिसकेको छ । अब भने चितवन, पोखरा र लुम्बिनी हुँदै यात्रा गर्नेछ ।
सहभागीहरु पुनः लखनउ यात्रा बाटै फिर्ता हुनेछन् ।

सन् २०१७ रेनो इण्डियाको ग्यांङ्ग अफ डस्टर्सको भारतमा सफलताको चौथो वार्षिकोत्सव पनि हो । ग्यांङ्ग अफ डस्टर, रेनो इण्डियाले शुरु गरेको एउटा विशेष अभियान भएको कम्पनीले जनाएको छ ।

जसले डस्टर धनीहरुलाई साहसिक यात्राहरु, कठिन तथा रोमाञ्चक भूगोलहरुको यात्रा गराउने र विकट क्षेत्रहरुको यात्रा गराउँदै एकआपसमा जोड्ने काम गर्दछ । 

ग्यांङ्ग अफ डस्टर्स डस्टर धनीहरुलाई रेनो परिवारमा सामेल गराउने एउटा उत्कृष्ट माध्यम हो भने सदस्यहरुका माझमा सम्बन्ध निर्माण गर्ने माध्यम पनि हो । ग्यांङ्ग अफ डस्टर्समा अहिले सम्म १ लाख भन्दा बढि सदस्यहरु सहभागी भईसकेका छन् जून भारतमा चार पांग्रे गाडीको साहसिक यात्रा समुदायमा सबैभन्दा ठूलो समुदाय हो ।

एडभान्स अटोमोबिल्स प्रालि (रेनोको नेपालमा व्यवसायीक पार्टनर) का प्रबन्ध निर्देशक निकुन्ज अग्रवालले भने, “नेपालमा पहिलोपटक भारतको विभिन्न स्थानबाट सहभागी ग्यांङ्ग अफ डस्टर्स सदस्यहरुको २४ वटा डस्टर सहितको लस्कर आएका हुन् । यो विशेष अवसरमा नेपालमा उनीहरुलाई आतिथ्यता प्रदान गर्नु हाम्रो सौभाग्य हो । रेनो इण्डियाद्वारा शुरु गरिएको यो अभियान नेपाल च्याप्टरको तर्फबाट पनि छिटै आयोजना गर्नेछौं । जसमा नेपाली डस्टरहरु एकसाथ सहभागी हुँदै नेपालको विभिन्न रोमाञ्चक स्थानहरुमा साहसिक यात्राको लागि जानेछन् र कठिन भूगोलको अवलोकन गर्नेछन् । यो अभियानले हामीलाई नेपालमा डस्टरको बजारलाई सशक्त बनाउन सहयोग गर्नेछ जसले सबै प्रकारको भौगोलिक क्षमता र यात्राको आरामदायीपनालाई कायम राख्दछ ।”

ग्यांङ्ग अफ डस्टर्सको नेपालसम्मको सशक्त यात्राले सहभागीहरुलाई अवस्मरणिय साहसिक यात्राको अनुभूति दिने कम्पनीको दाबी छ । 

रोमाञ्चकारी, साहसिक तथा अन्वेषणसँग सम्बन्धित हुँदै, रेनो इण्डियाको ग्यांङ्ग अफ डस्टर्सले उपभोक्ताहरु र उनीहरुको परिवारहरुलाई देशभर रेनो टिमका साथमा लामो अवधिको यात्रा गराउन उत्साहित गराउने गर्छ ।

तपाईंको मत